ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានអរគុណចំពោះភរិយារបស់សម្ដេច ដែលបានជួយជ្រុំជ្រែង ទំនុកបម្រុង គិតគូរបានល្អិតល្អន់ ជូនចំពោះសម្ដេចដែលធ្វើឲ្យសម្ដេចទទួលបានជ័យជំនះនិងជោគជ័យរហូតដល់បច្ចុប្បន្ន។

សម្ដេចតេជោបានលើកឡើងថា សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន គឺជាមនុស្សល្អិតល្អន់គិតគូរបានសព្វគ្រប់ដែលជាភរិយាដ៏ល្អជាម្ដាយដ៏ល្អនិងបច្ចុប្បន្នគឺជាជីដូនម្នាក់ដ៏ល្អផងដែរ។

សម្ដេចបានលើកឡើងថាជោគវាសនារបស់សម្ដេចដែលបានធ្វើជានាយករដ្ឋមន្ត្រីកម្ពុជាជាង ៤០ឆ្នាំមកនេះគឺបានមកពីការគាំទ្រពីភរិយារបស់សម្ដេចផ្ទាល់តែម្ដង។

សម្ដេចតេជោថ្លែងនៅក្នុងពិធីសំណេះសំណាលជាមួយអាចារ្យ អាចារិនី លើកទី៨ ព្រឹកថ្ងៃទី៨ ខែមេសា ឆ្នាំ២០២៣នេះ៕

PHOTO: ហ៊ុន យុទ្ធគុណ